في لحظة سكون اناجي قلبي المجروح …
وأكفكف دمعتن سالت على خدي تنوح …
قلبن خالين من الفرح و بالحزن مغموم …
كيف يا خلي ترضى تدمي قلبي بالطعون !!
طلبتك ترحم بحالي و تصارحني ..
وش مكاني في حياتك .. أنا من أكون !!
انا عمري و روحي لك عطيتك ..
وش بقالي أنا و ما عطيتك وش بقى !!
ليش القى الغدر وانا اللي بكل اخلاص لفيتك …
وأنا اللي بذلت ذي روح فدوه لعيونك ..
وكنت انت في دنيتي شمعه تنورني ..
ذالين اختفيت و اختفى نورك..وش بقى !!
اصبح كوني ظليمي ودموعي نهرن دميمي ..
بردن قاسين ساد في سما كوني و جفوني..
في ثانيه واحده هانت عليك كل السنين !!
عشرة عمر هانت عليك في غمضة عين ..
كل الايام الجميله طارت في مهب الريح..
طرواك كان اغلى عندي من الذهب …
والحين برخص اتراب ابيعه ما ابيه ..
لكن ذكراك صعب اخليها من النسيان ..
و طعونك لي جارحه تدمي قلبي بحرقه ..
ما رحمتني و لا شفقت على حالي ..
صديت ظهرك و دمي بين ايدي و مشيت لبعيد ..
روح .. لا بركتن في خلن شراتك …
غادرن ما يرحم ولا يقدر احد..
قلبك حجر وعمرك ما بتعرف للحب معنى ..
الحب اسمى عاطفه تسكن الروح ..
وانت بكل برود دست على قلبي و حبي..
هذاني اقولك و اذكرك بالسهام الجارحه ..
انت خسران ياولد الناس انت خسران ..
وحيدن بتكون في غربة الليل منبوذ..
لا بركتن في خلن تجرحه كلمة عتاب ..
واعرف ترا قلبي بعد المذله لك ما يميل..
ولغدرك هذا انا لي رد و وعود …
غدار و خاين لكن كلن له نصيب ..
على بالك انا سهله ؟؟
بكلمه تاخذني و توديني ؟؟
هب انا اللي ينلعب فيني و اسكت ..
روح العب بعيد وخل الحب لأصحابه ..
تراك ما تسوى حتى اشعره من راسي ..
لا انت ولا عشرة من امثالك ..
انت اصبر اشوي والله لصدمك فيها ..
بخليك اتحس وتأن من ألم الطعون …
وبتركك تغرق لين راسك في بركة دماك ..
وتتمنى لو العمر يرجع و تصلح خطاك ..
لا تحلم اتركك سالم ياللي بالقلوب لعوب ..
والله ماتركك تفلت بعد الغدر و القسا ..
ان ماعيشتك عذاب مااكون بنت امي و ابوي ..
لخليك تندم و تتحسف على كل لحظه و يوم ..
لعنبو دارك انت ما تتوب ولا تتعب !!
تحب اتشوف دمع الهنوف تدمي شرا الشلال ..
لعنبو يومك وش بلاك قاسي جذه؟؟
تظن انك على كيفك تلعب و غيرك يموت !!
غلطان و ألف غلطان يالمغرور ..
عايشن طول عمرك وانت الظالم الغادر..
وجا يومك تعيش وانت المظلوم و المغدور ..
عشان اتعرف ان الله حق والحق مايضيع..
واللي يجرح قلبن تدور السنون عليه ..
ودارت الايام وجا دورك اتحس بما صنعت يديك..
ولا ترخص دموع الناس تراها اغلى من الالماس ..
وتوب لله ياولد الناس توب عسا ربي يرحمك ..
وانا قلبي غلقته بشمعن احمرماينفتح ..
ترا طعونك لهذا اليوم و هي تدمي ..
نشف دمي و راح احساسي معاه ..
تبخروا في دجى النسيان و ارحلوا ..
اه منك ذبحتني بفعلك ذبحن سقيم ..
ومن فرقاك طالت علي السنين ..
ليتك تحس باللي كان بقلبي و دفنته ..
قلبي حرام تجرحه قلبي اللي حبك جرحته ..
قلبن صغيرن ربته دنيا و سمته الحنين ..
قمت انت ذبحته و كتبت على بابه (الحزين ) …